ओखलढुंगा जिल्लाको सदरमुकामवाट पश्चिम पट्टि जिल्लालाई उत्तर पश्चिमवाट करिव दुइ वरावर भागमा वाड्ने शिवदूति (मोलुङ) नामले प्रसिद्ध खोलाको नाम वाट वि.स. २०१५ सालमा यो विद्यालयले शिवदूती प्राथामिक पाठशालाको रुपमा तत्कालिन प्राप्चा गा.वि.स.को देउराली हाल मोलुङ गा.पा.को द्यौरालीमा अनौपचारिक रुपमा जन्म लिएको हो । यस विद्यालयले वि.स. २०१७ वेैसाख १ गते आएर मात्र औपचारीक रुपमा सरकारी मान्यता पाएको यस त्यस वेला विद्यालयको आफ्नो भवन नभएको हुँदा स्थानिय वासीहरुको सक्रियता र सहभागितामा तितेपातीको झुप्रो वनाईस्वर्गिय शिक्षक श्री दुर्गाहरी दाहालले १० जना विद्यार्थीहरुलाई धुलौटो पाटीमा रेखात्मक वर्णहरु सिकाउने कार्य आरम्भ गर्नुभयो । त्यस बेला यस विद्यालयका विद्यालय सञ्चालन समितिका अध्यक्ष श्री खडग वहादुर कार्की हुनुहुन्थ्यो । यस विद्यालयलाई तत्कालिन ओखलढुंगाका माननिय श्री पेशल कुमार पोखरेलले गर्नु भएको सहयोगको फलस्वरुप विद्यालयको भवन निर्माण कार्यमा सफल भएको थियो भने निर्माणका लागि स्थनिय जनताहरुको समेत ठूलो सहयोग मिलेको थियो ।
वि.स. २०२२ बैशाख १ गतेवाट तत्कालिन गा.प. प्रधानपञ्च स्वर्गिय श्री नन्दवहादुर सुनुवार, वि.व्या.स. अध्यक्ष स्वर्गिय श्री त्रिलोचन अधिकारी एवं प्र.अ. स्वर्गिय श्री दुर्गाहरी दाहालको सल्लाह सहयोगमा र स्थानिय वासीहरुको सहयोग एवं सहभागितामा देउराली डाँडामा रहेको विद्यालयलाई भदौरे माथिको दाहाल गाउको छेउमा सार्ने काम भयो । त्यस वेला विद्यालयको आफ्नो जग्गा थिएन तर वि.स. २०२२ सालमा आएर मात्र विद्यालयको आफ्नो जग्गा भयो । तत्कालिन अवस्थामा विद्यालय व्यवस्थापन समितिका अध्यक्ष स्वर्गिय श्री त्रिलोचन अधिकारीले विद्यालय संचालनको लागि आवाश्यक पर्ने जग्गा निशुल्क प्रदान गर्नु भएको थियो । बि.सं. २०३९साल अगाडि कक्षा १–३ मात्र सञ्चालन भएको यो विद्यालय २०३९साल चैत्र देखि कक्षा १–५सञ्चालन हुँदै वि.सं. २०५० सालमा नि.मा.वि.को रुपमा सञ्चालन भयो । वि.सं.२०५४ सालमा आएर प्रस्तावित मा.वि.को रुपमा सञ्चालन भएको यो विद्यालय वि.सं.२०६६ सालदेखि साबिक उच्च मा.वि.कक्षा बालबिकास देखि कक्षा १२ सम्मको पढाई सुरु भएको थियो । बि.सं. २०७४ देखि प्राबिधिक धार तर्फ कक्षा ९ मा सिभिल इञ्जिनियरिङको पढाइ प्रारम्भ भएको यो बिद्यालयमा २०७८ देखि कक्षा १२ सम्म सिभिल इञ्जिनियरिङ बिषयमा कक्षा सञ्चालन भईरहेको छ ।
ओखलढुंगा जिल्ला सदरमुकामबाट करिब २३ कि.मि. पश्चिममा प्राप्चा गाउँपालिकाको वार्ड नं.५ मा अवस्थित शिबदुति मा.वि.का नामले चिनिने यो विद्यालय २७.३६ डिग्री उत्तरी अक्षांस,८६.१२ पूूर्बी देशान्तरमा र समुन्द्र सतहबाट १३१७ मिटरको उचाइमा रहेको छ ।
बालबिकास देखि कक्षा १२ सम्म साधा।ण धार र कक्षा ९ देखि कक्षा १२ सम्म प्राबिधिक धार अन्तरगत सिभिल इञ्जिनियरिङ धारमा पठनपाठन हुने यस बिद्यलयमा साबिक प्राथमिक तहमा ९,निमाबि तहमा ३,माबि तहमा ४ ,उमाबि तहमा २,प्राबिधिक धारमा ८,स्वयंसेबक १,निजी १,बाबिके शिक्षक २,कर्मचारी २ गरी कुल ३२ जना शिक्षक कर्मचारी रहेको यस बिद्यालयमा शै.स. २०८२ मा १७४ छात्रा र १६८ छात्र गरी कुल ३४२ जना बिद्यार्थीहरु र चालु शैक्षिक सत्रमा अध्यायनरत छन ।
